Мінінфарм пакрыўдзіўся на YouTube, які выдаліў прапагандысцкія каналы
YouTube выдаліў прапагандысцкія каналы, ілюстрацыйнае фота / pixabay.com
Міністэрства інфармацыі знайшло "найгрубейшую праяву цэнзуры па нацыянальных прыкметах і інфармацыйнай сегрэгацыі". І гаворка зусім не пра зачыстку інфармацыйнай прасторы ў Беларусі.
Так лукашэнкаўскае ідэалагічнае ведамства адрэагавала на тое, што хостынг YouTube выдаліў каналы СТБ, Першага нацыянальнага канала Беларускага радыё, Radio Kultura BY і "Радыё Сталіца". Усе яны ўваходзяць у склад Нацыянальнай дзяржаўнай тэлерадыёкампаніі Беларусі.
Канал СТБ забанілі падчас жывой трансляцыі ток-шоу "По существу". Яно прысвячалася так званаму Дню народнага адзінства і "пытанням гістарычнай праўды".
