Чацвёра грамадзян Беларусі загінулі ў Грузіі, мікрааўтобус упаў з абрыву
Мікрааўтобус упаў у цесніну на гары Гомі / ghn.ge
Чацвёра грамадзян Беларусі загінулі ў Грузіі, калі мікрааўтобус упаў у цесніну на гары Гомі, пішуць грузінскія медыі.
Усяго ў выніку здарэння пацярпелі 20 чалавек. У салоне таксама знаходзіліся двое дзяцей, яны выжылі.
Усе загінулыя пасажыры былі беларускімі турыстамі.
МУС пачало расследаванне па артыкуле аб парушэнні правілаў дарожнага руху, якое стала прычынай гібелі людзей.
