ЗША прыпынілі санкцыі на расійскі дызель, але гэта не дапаможа знізіць кошты паліва

ЗША часова прыпынілі санкцыі на расійскі дызель, аднак істотна знізіць кошты на паліва гэта наўрад ці дапаможа. Прэзідэнт ЗША Дональд Трамп заявіў, што пасля перамоў з Уладзімірам Пуціным Расія паставіць больш за 300 тысяч тон дызельнага паліва на амерыканскі і сусветны рынкі, яшчэ 500 тысяч тон — у лістападзе і мільён тон — пасля гэтага.

Аднак, паводле аналітыкаў, апытаных газетай "Вашынгтон Пост", гэтыя аб’ёмы невялікія ў параўнанні з амерыканскім спажываннем. ЗША выкарыстоўваюць каля 400 тысяч тон транспартнага дызелю штодня, таму нават у выпадку ўплыву на цэны ён будзе нязначным.

Пры гэтым дамоўленасць можа мець палітычнае значэнне для Трампа. Менш чым праз месяц у ЗША пройдуць прамежкавыя выбары ў Кангрэс, а рост коштаў застаецца адной з галоўных прычын незадаволенасці выбаршчыкаў. Паводле апошняга апытання Pew Research, рэйтынг ухвалення Трампа знізіўся да 30 працэнтаў.