В Інданезіі затануў паром з 243 людзьмі: 140 чалавек прапалі без вестак

Пасажырскі паром Virgo Transport 8 затануў у Яванскім моры каля ўзбярэжжа Інданезіі. На борце знаходзіліся 243 чалавекі — 213 пасажыраў і 30 членаў экіпажа. Судна ішло з Сурабаі на востраве Ява ў Банджармасін на Барнеа і трапіла ў моцны шторм.

У нядзелю раніцай экіпаж страціў сувязь з суднам. Да гэтага паром паспеў прайсці каля дзвюх трацін маршруту працягласцю прыкладна 500 кіламетраў. Паводле звестак улад, ратавальнікам удалося выявіць і падняць з вады 103 чалавекі. Адзін чалавек загінуў, яшчэ каля 140 лічацца прапаўшымі без вестак.

Ратавальная аперацыя працягваецца. Тых, хто выжыў, плануюць даставіць у порт на ўсходзе Явы, а ратавальнікі працягваюць пошукі прапаўшых. Сам паром затануў ва ўмовах дрэннага надвор'я.

Virgo Transport 8 — 119-метровае судна, якому было 39 гадоў. Паромныя зносіны маюць вялікае значэнне для Інданезіі: краіна налічвае больш за 17 тысяч астравоў, і паромы шырока выкарыстоўваюцца для перавозак паміж імі.