Коўлу ўручылі прэмію імя Паліткоўскай за вызваленне беларускіх палітвязняў
Джон Коўл / Reuters
У Маскве прайшла 14-я цырымонія ўручэння прэмій "Камертон" імя Ганны Паліткоўскай.
Спецыяльны прыз з надпісам "За выратаванне жыццяў" атрымаў спецпасланнік прэзідэнта ЗША па Беларусі Джон Коўл. Так была адзначаная яго роля ў вызваленні беларускіх палітвязняў, піша "Новая газета Европа".
Прэміі ў іншых намінацыях атрымалі выданні The Bell і "Вёрстка", а таксама музыка і заснавальнік гурта "Акварыум" Барыс Грабеншчыкоў (у катэгорыі "Сказаў за ўсіх").
"Камертон" — прэмія, заснаваная ў памяць пра журналістку Ганну Паліткоўскую, забітую ў 2006 годзе. Сёлета яна была ўручаная 14-ы раз.
