Каля ўкраінскага самалёта ў Лейпцыгу знайшлі дрон з выбухоўкай
Украінскі самалёт у аэрапорце Лейпцыга / Bild
У ноч на 5 жніўня аэрапорт Лейпцыг/Галле быў вымушаны прыпыніць працу. Непадалёк ад узлётнай паласы каля ўкраінскага грузавога самалёта Ан-124 выявілі падазроны прадмет, піша выданне Bild.
Выявілася, што гэта мадыфікаваны дрон. Паводле інфармацыі паліцыі, да яго быў прымацаван груз — "невядомая маса з дэтанатарам". Як піша Bild, выбух не адбыўся, бо дэтанатар аказаўся дэфектным. Пасля выяўлення знаходкі сапёры павінны былі правесці кантраляваны падрыў дрона з дапамогай робата.
Паліцыя не выключае версію дыверсіі, цяпер шукаюць аператара беспілотніка.
Грузавы самалёт, які не змог прызямліцца ў Лейпцыгу праз закрыццё аэрапорта, сутыкнуўся ў паветры з іншым аб'ектам на вышыні некалькіх сотняў метраў. Пасля пасадкі на запасным аэрадроме ў Гановеры у ім выявілі нязначныя пашкоджанні насавой часткі самалёта.
Аэрапорт Лейпцыга з'яўляецца адным з ключавых лагістычных вузлоў для паставак заходніх узбраенняў ва Украіну.
