Экс-гулец зборнай Беларусі Мікалай Золатаў абвешчаны ў вышук МУС
Мікалай Золатаў (на першым плане) / АБФФ
Экс-гулец зборнай Беларусі Мікалай Золатаў абвешчаны ў вышук МУС, піша “Трыбуна”. 31-гадовага абаронцу малдаўскага "Зімбру" шукаюць у Віцебскай вобласці ў рамках крымінальнай справы. У вышук яго дадалі 7 ліпеня.
У складзе "Зімбру" Золатаў правёў восем матчаў у чэмпіянаце Малдовы і забіў адзін гол. За зборную Беларусі ён згуляў 14 матчаў.
Раней футбаліст трапіў у "чорны спіс" міністра спорту Беларусі Сяргея Кавальчука пасля крытыкі беларускіх уладаў і асуджэння вайны ва Украіне.
У 2025 годзе Золатаў заявіў, што шчыра раскайваецца за свае ранейшыя словы.
