У метро сказалі, чаму не робяць пандусы для дзіцячых вазкоў на старых станцыях

Мінскі метрапалітэн не плануе ўсталёўваць пандусы на старых станцыях. Так на прадпрыемстве адказалі на заклік жыхаркі сталіцы.

Мінчанка зрабіла допіс у сацсетка Threads, дзе прапанавала абсталяваць на кожнай станцыі метро аўтаматычныя платформы або пад'ёмнікі (пандусы) для вазочкаў.

"Мамы ў Мінску не павінны прасіць аб дапамозе кожны раз, калі ім трэба спусціцца ў падземку. Калі на старых станцыях метро фізічна нельга ўсталяваць паўнавартасныя ліфты, гэта не значыць, што праблемы няма. Пара ўжо на кожнай галінцы абсталяваць аўтаматычныя платформы або пад'ёмнікі/пандус для вазочкаў! Жанчына з дзіцем мае права на самастойнасць і безбар'ернае асяроддзе, а не на штодзённы квэст з пераадоленнем прыступак", — напісала яна.

Поста атрымаў больш за 15 тысяч праглядаў і больш за 170 каментароў. Жанчыны падтрымалі прапанову і расказалі, як яны спускалі вазкі на платформу.

Мінскі метрапалітэн даў адказ пра дзяржаўнае інфармагенцтва "Мінск-Навіны". На прадпрыемстве заявілі, што такую прапанову немагчыма арганізаваць... дзеля бяспекі саміх пасажыраў. А аб'екты метро спраектаваныя, узведзеныя і прынятыя ў эксплуатацыю ў адпаведнасці з тагачаснымі будаўнічыміх нормамі і правіламі.

"Вазочны спуск на лесвіцы, якая злучае платформу станцыі метрапалітэна з касавай залай, можа стаць вельмі небяспечным у сітуацыі, калі пасажыр не зможа па якой-небудзь прычыне ўтрымаць калыску (вазок), якая можа зваліцца на шлях метрапалітэна перад надыходзячым цягніком і тым самым стварыць аварыйную сітуацыю", — заяўляюць у метрапалітэне.

Пры неабходнасці пасажырам рэкамендуюць звярнуцца па дапамогу да работнікаў станцыі. Перад дзвярамі ў вестыбюль станцыі і на платформах ёсць перагаворныя прылады. Таксама можна загадзя заказаць дапамогу па тэлефоне +375 (17) 383-83-83, заяўкі прымаюцца штодня з 8:00 да 20:00.