У Кобрыне забараняюць святкаваць Хэлоўін — супярэчыць "духоўным традыцыям"

Напярэдадні Хэлоўіна зноў актывізаваліся чыноўнікі, якія патрабуюць забараніць свята. Гэтым разам у адкрыты доступ трапіў ліст з Кобрынскага райвыканкама, заўважыў "Белсат".

Чыноўнікі папярэджваюць кіраўнікоў установаў, што напярэдадні Хэлоўіна варта ўстрымацца ад тэматычных мерапрыемстваў, не ставіць гарбузы, не вешаць павуцінне і маскі на дзверы, а заадно прыбраць рэкламу свята з сацсетак.

Сваё патрабаванне яны абгрунтоўваюць тым, што Хэлоўін звязаны з "цёмнымі сіламі". Паводле іх, гэтае свята прапагандуе агрэсію і асацыяльныя паводзіны, а таксама "супярэчыць гістарычным, культурным і духоўным традыцыям беларускага народа".

Беларускія чыноўнікі не першы год ваююць з Хэлоўінам і днём святога Валянціна.