Пункт пропуску на расійска-беларускай мяжы не працуе пасля дронавай атакі
Дрон, ілюстрацыйнае фота / iStock/Olena Bartienieva
11 жніўня ад раніцы не працуе пункт пропуску Селішча — Чырвоны Камень на расійска-беларускай мяжы.
Паведамляецца, што зранку пункт пропуску быў атакаваны беспілотнікам. У выніку загарэліся два грузавыя аўтамабілі з паўпрычэпамі, піша "Флагшток". ТГ-канал MayDay удакладняе: расійскія памежнікі расказалі кіроўцам, што інцыдэнт здарыўся на самім прапускным пункце.
Чакаецца, што пункт пропуску застанецца закрытым як мінімум да заўтрашняй раніцы.
