Літва накіравала армію да Калінінградскай вобласці пасля ЧП на беларуска-латвійскай мяжы

Міністр абароны Літвы Робертас Каўнас даў дазвол на выкарыстанне вайсковых для ўзмацнення аховы мяжы з боку Калінінградскай вобласці. Пра гэта ён паведаміў у Facebook. Дазвол выдадзены на некалькі тыдняў. 

Паводле слоў Каўнаса, ахова мяжы ўзмоцнена "у якасці прэвенцыі". Ён растлумачыў, што ёсць сігналы аб магчымым наплыве вялікай колькасці агрэсіўных замежнікаў з-за магчымай мабілізацыі ў Расіі.

Рашэнне прынята па просьбе міністра ўнутраных спраў Марцінаса Кацялінаса.

"Пасля інцыдэнту на мяжы Латвіі, з улікам агульнай сітуацыі з бяспекай у рэгіёне і сігналаў, што Расія можа аб'явіць мабілізацыю, мы прымаем дадатковыя прэвентыўныя меры", — напісаў Кацялінас.

Нагадаем, на гэтым тыдні узброеныя суправаджаючыя ў масках спрабавалі перапраўць з Беларусі ў Латвію групу прыкладна з 20 мігрантаў. Паводле інфармацыі Нацыянальных узброеных сіл Латвіі, суправаджаючыя пагражалі вайскоўцам і гналі мігрантаў у бок латвійскай мяжы. Праз некалькі гадзін людзі ў масках пранікілі на тэрыторыю Латвіі, пашкодзілі размеркавальны электрашчыт і выкралі камеры.

У латвійскай арміі лічаць, што тое, што адбылося, пацвярджае працяг правакацый і гібрыдных пагроз на латвійска-беларускай мяжы. На думку вайскоўцаў, нелегальная міграцыя будзе выкарыстоўвацца як інструмент ціску на знешнюю мяжу Латвіі, Еўрапейскага саюза і НАТА.