У Літве ўпершыню збілі беспілотнік

У Літве ў ноч на 15 верасня ўпершыню збілі беспілотнік. Паводле папярэдняй інфармацыі, ён прыляцеў з Беларусі.

Дрон заляцеў у паветраную прастору Літвы неўзабаве пасля поўначы. У краіне абвясцілі паветраную трывогу, а Віленскі аэрапорт часова прыпыніў працу.

Збілі беспілотнік каля 00:20 ў раёне Кайшадорыса пад Коўнам. На яго перахоп падымаліся італьянскія знішчальнікі, якія базуюцца ў Шаўляі.

На месцы здарэння былі знойдзеныя абломкі дрона. Цяпер там працуюць вайскоўцы і супрацоўнікі паліцыі.

Паводле словаў кіраўніка Нацыянальнага цэнтра кіравання крызісамі Вілмантаса Віткаўскаса, якія перадае LRT, ёсць высокая верагоднасць таго, што дрон быў абсталяваны выбуховым прыстасаваннем.