Чаму сілавікі прыйшлі на кватэру Зельцэра, расказаў брат яго жонкі

Пяць гадоў таму пры перастрэлцы на вуліцы Якубоўскага ў Мінску загінуў праграміст Андрэй Зельцэр і супрацоўнік КДБ Дзмітрый Федасюк.

Падчас перастрэлкі ў кватэры была жонка Зэльцэра Марыя Успенская. Жанчыну арыштавалі і абвінавацілі ў саўдзеле ў забойстве. Пазней яе прызналі псіхічна неадэкватнай і перавялі ў псіхіятрычную клініку.  

У каментары DW яе брат Максім Юрчанка сказаў, што амаль нічога не ведае пра яе лёс: "Навін няма. Не ведаю, ці ёсць у яе магчымасць сустракацца са сваякамі, у якім яна стане. Спадзяюся, яна жывая".

Сам Максім жыве па-за межамі Беларусі і не падтрымлівае сувязі з сям'ёй. Ён мяркуе, што стаў прычынай візіту сілавікоў у кватэру на вуліцы Якубоўскага. За некалькі дзён да гэтага Максім апублікаваў у сацсетках відэа пра атаку партызанскай групы "Чорны бусел" на базу АМАПа. "Яны падумалі, што я маю нейкае дачыненне да гэтай аперацыі", — кажа ён.

Максім Юрчанка быў прапісаны ў той  кватэры на Якубоўскага, але шмат гадоў жыў па-за межамі Беларусі і толькі зрэдку прыязджаў да сваякоў. Апошні раз ён наведваў радзіму ўвесну 2020 года.

Праваабаронцы таксама не ведаюць, дзе менавіта цяпер знаходзіцца Успенская. Паводле непацверджаных звестак, падчас лячэння яе бачылі ў СІЗА. 

За каментары ў сацсетках па справе Зельцэра былі затрыманыя каля 200 чалавек. На 136 з іх пачалі крымінальныя справы. Людзям прызначалі ад шасці месяцаў да шасці гадоў пазбаўлення волі.