"Белая Русь" хоча прыбраць з беларускіх гарадоў рэкламу казіно
Навязлівая рэклама казіно ў Мінску / Калаж Еўрарадыё
"Белая Русь" хоча прыбраць з беларускіх гарадоў рэкламу казіно. А самі азартныя гульні вынесці за межы Мінска. Такія прапановы прагучалі на прысвечанай гульнявой залежнасці сустрэчы, што прайшла ў грамадска-палітычным цэнтры аддзялення партыі ў Фрунзенскім раёне Мінска.
Лудаманію там назвалі "адной з самых недаацэненых пагроз сучаснасці". І дадалі, што пытанне пра рэкламу казіно ўжо прапрацоўваецца Ў Міністэрстве антыманапольнага рэгулявання і гандлю.
Гульнявыя зоны сталі актыўна адкрывацца ў Беларусі з сярэдзіны 2009 года, калі іх амаль забаранілі ў Расіі.
Сёння рэклама казіно сустракаецца ў беларускіх гарадах ледзь не на кожным кроку. Буйныя брэнды выступаюць спонсарамі спартовых камандаў і музычных фэстаў.
