"Аб’яднаны спіс" перамог у большасці самакіраванняў Латвіі на парламенцкіх выбарах
Лідар "Аб’яднанага спісу" Андрыс Кулбергс / LETA, Kaspars Krafts
Паводле вынікаў выбараў у 15-ы Сейм Латвіі "Аб’яднаны спіс" стаў самай папулярнай палітычнай сілай у 36 з 42 самакіраванняў краіны, піша LSM. Ён саступіў першае месца толькі ў шасці самакіраваннях Латгаліі, дзе найбольшую падтрымку атрымала партыя "Латвія на першым месцы" Айнарса Шлесерса. На выбарах 2022 года лідарам у 21 самакіраванні было "Новае адзінства", аднак гэтым разам партыя не змагла захаваць свае пазіцыі. Падлічана 99,9% галасоў.
"Аб’яднаны спіс" (Apvienotais saraksts) — палітычны альянс, створаны перад выбарамі 2022 года. У яго ўвайшлі некалькі партый і палітычных рухаў, у тым ліку Саюз зялёных і сялян.
