Амерыканскі генерал звярнуўся да Лукашэнкі: "Расія не лічыць вас сябрам"
Бэн Годжэз на Варшаўскім форуме бяспекі / Tomasz Jastrzebowski / REPORTER / East News
Былы камандуючы войскамі ЗША ў Еўропе генерал-лейтэнант Бэн Годжэз звярнуўся да Аляксандра Лукашэнкі падчас інтэрв'ю з "Белсатам" на палях "Варшаўскага форуму бяспекі".
"Спадар Лукашэнка, чаму вы хочаце быць прыкутым кайданкамі да трупа, якім стала Расейская Федэрацыя пры Уладзіміру Пуціну? Гэта труп. У будучыні Беларусі няма нічога добрага, пакуль вас успрымаюць як блізкага саюзніка Расіі", — сказаў ён.
Генерал дадаў, што, на яго думку, Расія не лічыць Лукашэнку сябрам.
"Яна разглядае вас як рэсурс, як актыў. Я не ведаю, як гэта можа быць добра для каго-кольвек у Беларусі", — сказаў ён.
Ён упэўнены, што большасць жыхароў Беларусі не мае жадання ўвязвацца ў канфлікт з Украінай ці NATO. Ён таксама лічыць, што і ўзброеныя сілы Беларусі ніколі не хацелі удзельнічаць у такім канфлікце.
