У Беларусі прызналі "экстрэмісцкім" сайт польскага інфармагенцтва PAP
Інфармагенцтва PAP / PAP
Міністэрства інфармацыі Беларусі абнавіла спіс "экстрэмісцкіх матэрыялаў".
У яго трапіў сайт польскага інфармацыйнага агенцтва PAP (Polska Agencja Prasowa), якое кантралюецца дзяржавай. Адпаведнае рашэнне прыняў 28 ліпеня суд Горацкага раёна Магілёўскай вобласці.
У той жа дзень гэты ж суд прызнаў "экстрэмісцкімі матэрыяламі" сайт Прадстаўніцтва па нацыянальным адраджэнні Аб'яднанага пераходнага кабінета.
Таксама ў "экстрэмісцкі спіс" трапілі YouTube-канал беларускага рок-гурта DZIECIUKI, шэраг акаўнтаў у Інстаграме, Тэлеграме, Фэйсбуку.
