Па ўсходзе Беларусі ў пятніцу чакаюцца невялікі дождж і мокры снег
Дождж, ілюстрацыйнае фота / pexels.com
У пятніцу, 6 лістапада, у Беларусі прагназуецца воблачнае з праясненнямі надвор'е, паведамляе Белгідрамет.
Пераважна па ўсходняй палове краіны пройдуць невялікія ападкі — дождж, мокры снег. На асобных участках дарог будзе галалёдзіца. Вецер чакаецца паўночна-заходні, паўночны парывісты.
Тэрмометры ўначы пакажуць -1...+4 градусы, удзень прагназуецца 2-8 градусаў вышэй за нуль.
У суботу, 7 лістапада, надвор'е чакаецца воблачнае з праясненнямі. Будзе пераважна без ападкаў, толькі ўдзень месцамі па поўначы Беларусі пройдуць невялікія кароткачасовыя дажджы. Вецер прагназуецца заходні, паўночна-заходні ўмераны, месцамі парывісты. Уначы тэрмометры пакажуць ад 5 градусаў марозу да 2 градусаў цяпла, удзень чакаецца 1-7 градусаў са знакам "плюс".
