Коўл назваў прамежкавай сённяшнюю дамову
Джон Коўл на перамовах у Аляксандра Лукашэнкі / president.gov.by
Сённяшнюю дамову па вызваленні 25 палітвязняў спецпасланнік прэзідэнта ЗША Джон Коўл назваў прамежкавай.
"Бакі працягнуць работу па вырашэнні пытанняў, якія застаюцца. Калі ўсе пытанні будуць вырашаныя і абодвума бакамі ўзгодненыя, будуць дадатковыя вызваленне асоб і зняцце санкцый з беларускіх кампаній", — заявіў амерыканскі прадстаўнік.
Як паведамлялася раней, Злучаныя Штаты пагадзіліся зняць санкцыі з двух беларускіх прадпрыемстваў — лідскай "Лакафарбы" і канцэрна "Беллеспаперпрам". У адказ на гэта рэжым Лукашэнкі "ў якасці жэста добрай волі" вызваляе 25 чалавек.
