FIBA зняла абмежаванні з беларускіх і расійскіх баскетбалістаў
Баскетбол / allbasketball.org
Міжнародная федэрацыя баскетбола (FIBA) з 1 верасня дазволіла беларускім і расійскім гульцам удзельнічаць у сваіх спаборніцтвах. Рашэнне таксама распаўсюджваецца на трэнераў, суддзяў, камісараў і іншых баскетбольных службовых асобаў з Беларусі і Расіі, у тым ліку ў баскетболе 3x3.
У FIBA тлумачаць гэта рашэнне пазіцыяй Міжнароднага алімпійскага камітэта, які рэкамендаваў адмяніць абмежаванні для беларускіх і расійскіх спартсменаў. Пры гэтым федэрацыя пакуль не вяртае да міжнародных спаборніцтваў нацыянальныя зборныя дзвюх краін. Пытанне іх магчымай "рэінтэграцыі" ў вялікі спорт на шляху да Алімпіяды-2028 у Лос-Анджэлесе FIBA плануе разгледзець у снежні 2026 года на пасяджэнні Цэнтральнага савета.
