Сіноптыкі аб'явілі максімальны ўзровень небяспекі праз спёку ў Беларусі
Горача будзе яшчэ пару дзён / Onliner.by
Белгідрамет зноў выдаў чырвоны (максімальны) ўзровень небяспекі з-за анамальнай спёкі. Як кажуць беларускія сіноптыкі, у нядзелю 2 жніўня ў многіх раёнах Гомельскай вобласці максімальная тэмпература паветра дасягне +35 +37°С, а па паўднёвым усходзе краіны будзе +30 +34°С.
У суботу 1 жніўня эпіцэнтр афрыканскай спёкі прыходзіцца на Брэсцкую вобласць — ужо да двух гадзін дня тэмпература паветра ў шэрагу гарадоў перавысіла адзнаку ў +40.
У цэлым жнівень у Беларусі, як расказаў Еўрарадыё кліматолаг, будзе гарачым і сухім.
