Украінец перабраўся праз беларуска-літоўскую мяжу праз сажалку
Украінец перабраўся ў Літву праз сажалку / vsat.lrv.lt
У ноч з пятніцы на суботу літоўскія памежнікі затрымалі ў Шальчынінкайскім раёне ўкраінца, які нелегальна перайшоў беларуска-літоўскую мяжу.
Сістэма памежнага назірання зафіксавала чалавека з беларускага боку, які пераходзіў уброд праз сажалку Юргіёніс і спрабаваў выйсці на бераг на літоўскай тэрыторыі. Дзяржаўная мяжа паміж Літвой і Беларуссю на гэтай сажалцы пазначаная добра заўважнымі жоўтымі буямі.
Парушальнікам аказаўся 35-гадовы грамадзянін Украіны. Пры сабе ў яго быў дакумент, які пацвярджае асобу. Падчас допыту мужчына запрасіў прытулак у Літве.
Пазней яго даставілі ў Цэнтр рэгістрацыі замежнікаў у Пабрадзе.
