Коўл верыць, што Беларусь можна вярнуць у сям'ю народаў? Меркаванне Фрыдмана

Наведваючы Латвію пасля візіту ў Беларусь, спецпасланнік прэзідэнта ЗША Джон Коул у інтэрв'ю "Настоящему времени" сказаў, што "Беларусь робіць спробы" вярнуцца ў сям'ю народаў. Выступаючы амаль як адвакат беларускіх улад, Коул верыць у тое, што кажа?

На гэтую тэму разважаў гісторык і палітычны назіральнік Аляксандр Фрыдман.

— Ён не можа паводзіць сябе іначай. Яму патрэбны добрыя, прынамсі рабочыя, а лепш нават больш чым рабочыя, сяброўскія адносіны з беларускімі ўладамі. І ён у гэтым сэнсе абсалютны прагматык.

Ён кажа не тое, пра што думае і як ён гэта бачыць. Хаця, магчыма, ён так і думае. Але перш за ўсё ён гэта агалошвае, таму што лічыць, што гэта можа быць карысна. Варта рабіць рэверансы ў бок беларускіх улад, — лічыць Фрыдман.

Ацэньваючы візіт Коула ў Беларусь, Фрыдман называе яго расчароўваючым. І лічыць, што іншай рыторыкі цяпер чакаць не варта.

— Відаць, візіт яго расчараваў. Не на гэта разлічвалі Злучаныя Штаты. Але калі ты працягваеш працаваць у гэтым кірунку і так ці іначай спадзяешся, прынамсі, яшчэ раз сустракацца з гэтымі людзьмі і весці нейкія перамовы, то таму і адвешваеш гэтыя дыпламатычныя рэверансы.

Ну а што ён мог адказаць на такое пытанне? Што ніякай будучыні ў беларусаў, пакуль існуе гэты рэжым, ніякіх перспектыў кардынальнага паляпшэння адносін з суседзямі няма? Не можа гэтага сказаць.

Ён і так кажа даволі шмат таго, што, у прынцыпе, калі б ён быў прафесійным дыпламатам, у публічную прастору не трапляла б. Напрыклад, пра тое, што Лукашэнка наогул першапачаткова адмаўляўся каго-небудзь вызваляць, пра тое, што ішоў гандаль за кожнага чалавека.

І тут якраз разючае адрозненне ў разуменні Коула: ён расказвае падрабязнасці гэтага гандлю, пра тое, як ён выкупляе людзей, і ставіць гэта сабе ў заслугу. І, дарэчы, справядліва ставіць сабе ў заслугу. Ён жа не дае нейкіх маральных ацэнак паводзінам Лукашэнкі, хаця там гаворка ідзе амаль пра гандаль фактычна вязнямі, закладнікамі — называйце гэта як заўгодна ў такой сітуацыі.

Быў бы ён дыпламатам, магчыма, ён бы не выносіў гэта ў публічную прастору, таму што ўжо сама гэта інфармацыя кідае яшчэ адну цень на рэжым Лукашэнкі.

Цяпер гаворка зайшла пра цалкам канкрэтныя прыклады гандлю. Ну, Коул ставіцца да іх спакойна. Для яго галоўны вынік. Ён не чалавек эмоцый, ён не чалавек дыпламатыі, ён не чалавек гучных заяў — яму патрэбны вынік. Вось над гэтым вынікам ён і спрабуе працаваць, — упэўнены Аляксандр Фрыдман.

Нагадаем, што па выніках візіту Джона Коула ў Беларусь было вызвалена 25 беларускіх палітзняволеных, хаця раней іх лік называўся ў дзесяткі разоў большым. У адказ на гэта ЗША зняліся санкцыі з шэрагу беларускіх прадпрыемстваў.

Пасля сустрэчы з Лукашэнкам Коул накіраваўся ў Літву і Латвію, дзе гаварыў з уладамі гэтых краін пра транзіт беларускага калію, а тыя яму расказвалі пра небяспеку, якая працягваеыходзіць ад Беларусі.

Паводле слоў Коула, ён плануе нанесці наступны візіт у Беларусь праз месяц.