"Іслач" абыграла "Дынама-Мінск", абнавіла рэкорд і зноў узначаліла чэмпіянат
Вынікі 19-га туру / "Динамо-Минск"
У Вышэйшай лізе чэмпіянату па футболе прайшлі матчы 19-га туру. "Іслач" сенсацыйна абыграла мінскае "Дынама" з мінімальным лікам 1:0 і зноў забралася на першае месца ў табліцы. Праўда, мінчане маюць гульню ў запасе.
Серыя без параз "Іслачы" доўжыцца ўжо 11 гульняў запар, а "Дынама-Мінск" яны ў гэтым чэмпіянаце не прайгравалі. У першым крузе каманды згулялі ўнічыю. "Ваўкі" пабілі свой клубны рэкорд па колькасці перамог запар — цяпер іх стала сем. У 2020 годзе рэкорд складаўся з шасці перамог запар.
"МЛ Віцебск" у сябе дома не змог зламаць супраціў БАТЭ, гульня скончылася з лікам 0:0.
Дзейны чэмпіён размясціўся на трэцім месцы, таксама маючы гульню ў запасе.
"Баранавічы" у сябе дома пры аншлагу далі бой "Дынама-Брэст" і змаглі пазбегнуць паражэння — 1:1.
"Нёман" упэўнена абыграў "Нафтан" — 2:0.
З такім жа лікам "Белшына" абыграла "Арсенал" — 2:0.
"Віцебск" мінімальна абыграў "Мінск" — 1:0.
"Гомель" і "Славія" мячоў не забілі — 0:0.
"Тарпеда-БелАЗ" і "Дняпро" таксама разышліся безгалевой нічыёй — 0:0.
Становішча ў чэмпіянаце:
